Përse mediat shqiptare nuk kanë shëmbëlltyrë në ato gjermane

Edhe pse në gjermani jetojnë 3.2 deri në 3.5 milion musliman, që don të thotë 4% të popullsisë muslimane, dy radio me frekuenca shtetërore kanë shprehur dëshirën që në programet e tyre të ketë vend edhe për Islamin.
E kundërta e mediave tona, të cilët ndoshta popullata islame në trojet e tyre numëron 90%, e diku 99% kurse në vendin tjetër 75%, i gjen programet e mediave tona i shmangen gjithçka që është islame. Kjo me pretekst se synojmë bashkëngjitje familjes së bashkimit evropian, apo me moton se mos të kuptohet se jemi muslimanë.
Kurse disa të tjera me plane paraprake për t’i degjeneruar myslimanët dhe për t'i konvertuar ata prej islamit në krishterizëm.
Megjithëse mediat duhen të jenë stimuluese dhe edukues të gjeneratave në vlerat tona popullore dhe ata fetare dhe ngritje e vetëdijes dhe moralit në të gjitha sferat e shoqërisë i gjen këto media veprojnë në të kundërtën; nxisin në degjenerim, në mosrespektim dhe ua mëson fëmijëve tanë të futen në aventura e defrime ku përfundimi i shumicës së tyre aventurave është i idhët.
Nuk është edhe aq për t'u habitur se në mediat tona shfaqen emisione me karakter kundër islam, siç janë shumica e programeve humoristike.
Mos të befasohet dhe as mos të fajësohet askush për atë që në shoqërinë tonë është shtuar tradhëtia bashkëshortore, divorci dhe problemet tjera familjare. Dhe se si një i ri dhe një e re di të gënjejë dhe të tradhtojë në mënyrë profesionale, ngase të gjitha këto i kanë mësuar nga filmat serik spanjoll, ku tematika kryesore është tradhëtia dhe dashuria e rrejshme.
Vëllezër myslimanë, mos të ju bezdis duke zgjatur më tepër, ngase një temë e tillë nuk duhet të shtjellohet shumë e as të shkruhet në kapituj të gjërë. Sepse rezultatet dhe efektet negative i vëren çdo njeri, i cili është i moralshëm dhe ka për aspiratë ngritjen e vetëdijesimit dhe ndërgjegjejen e popullit të tij dhe garon për një jetë sa më të sigurtë dhe të lumtur.
Le të kalojmë tek mediat gjermane. Radio “ZDF“ gjermane dëshiron të transmetojë Hutben (fjalimin) e ditës së Xhuma për çdo javë nëpërmjet valëve të saja.
Ditëve të fundit është zhvilluar një debat në mediat gjermane rreth transmetimit të programeve islame në mediat gjermane, e veçanërisht pas një vendimi të marrë nga kanali “SWR-Intendant” për ta transmetuar hutben e xhumasë në faqet e saja të internetit.
Tregon drejtori i radios “ZDF” Peter Voß se ka vendosur t’i veçojë hutbes së Xhumas kohë të caktuar për ta dëgjuar myslimanët e Gjermanisë. Duke shpresuar se programet me karakter islam do t’i nxisin myslimanët e Gjermanisë të jenë sa ma aktiv në shoqërinë e tyre, dhe t'ua mësojnë të tjerëve realitetin e Islamit.
Tregon Piteri se për ta realizuar këtë program, radio do të angazhojë persona të profesionalizuar, që do të mund t’u prezantojnë të tjerëve Islamin.
Pyetja e cila parashtrohet vetvetiu: “Përse mediat shqiptare nuk kanë shëmbëlltyrë në ato gjermane?

Përgatiti:
Abdyl Fuga